ಬಹುಶಃ ಕಳೆದ ೫೦ ವರ್ಷಗಳಿಂದ ಇಡೀ ಜಗತ್ತನ್ನು
ಇಷ್ಟೊಂದು ಚಿಂತೆಗೆ ಈಡುಮಾಡಿರುವ ವಿಚಾರ ಮತ್ತೊಂದಿಲ್ಲ. ಗಾಬರಿ ಹುಟ್ಟಿಸುವ ವೇಗದಲ್ಲಿ
ಹೆಚ್ಚುತ್ತಿರುವ ಜನನ ಪ್ರಮಾಣ, ಪರಿಣಾಮವಾಗಿ ಉಂಟಾಗಿರುವ ಸಾಮಾಜಿಕ-ಆರ್ಥಿಕ ಸಮಸ್ಯೆಗಳು
ಇಡೀ ಜೀವ ಜಗತ್ತಿಗೆ ಆತಂಕವೊಡ್ಡಿವೆ. ಅಮೆರಿಕದ ಜನಗಣತಿ ಮಂಡಳಿಯ (ಯುಎಸ್‌ಸಿಬಿ)
ಲೆಕ್ಕಾಚಾರದಂತೆ ಜಾಗತಿಕ ಮಟ್ಟದಲ್ಲಿ ೨೦೧೨ರ ಮಾರ್ಚ್ ೧೨ಕ್ಕೆ ಸರಿ ಹೊಂದುವಂತೆ
ಜನಸಂಖ್ಯೆ ೭ ಬಿಲಿಯನ್ ದಾಟಿದೆ. ಈ ಹಿನ್ನೆಲೆಯಲ್ಲಿ ಚೀನಾ ಮತ್ತು ಭಾರತ ಜನಸಂಖ್ಯಾ
ನಿಯಂತ್ರಣಕ್ಕೆ ಸಂಬಂಧಿಸಿದಂತೆ ಪ್ರಖರವಾದ ಪ್ರಯತ್ನ ನಡೆಸುತ್ತಿದ್ದರೆ, ಇನ್ನೊಂದೆಡೆ
ಕೆಲವು ದೇಶಗಳು ಜನಸಂಖ್ಯೆ ಇಳಿಮುಖವಾಗುತ್ತಿರುವುದರ ಬಗ್ಗೆ ಚಿಂತಾಕ್ರಾಂತವಾಗಿವೆ.
ಸಂತಾನ ನಿಯಂತ್ರಣಕ್ಕಾಗಿ ವಿಧ ವಿಧದ ತಂತ್ರಜ್ಞಾನಗಳು ಪ್ರಾಚೀನ ಈಜಿಪ್ಟ್, ಗ್ರೀಸ್ ಮತ್ತು ರೋಮ್‌ಗಳಲ್ಲೇ ಇದ್ದವು. ಆದರೆ ಇದು ಅತ್ಯಂತ ವಿಸ್ತೃತ ಸ್ವರೂಪ ಪಡೆದದ್ದು ಪ್ರಖ್ಯಾತ ಆಂಗ್ಲ ಅರ್ಥಶಾಸ್ತ್ರಜ್ಞ ಥಾಮಸ್ ರಾಬರ್ಟ್ ಮಾಲ್ತೂಸ್ ಅವರಿಂದ. ಜನಸಂಖ್ಯೆ ಹೆಚ್ಚಳದಿಂದ ಉಂಟಾಗುವ ಸಮಸ್ಯೆಗಳಾದ ಆಹಾರ ಕೊರತೆ, ನಿರುದ್ಯೋಗ ಮತ್ತು ಸೂಕ್ತ ಆರೋಗ್ಯ ಸೌಲಭ್ಯಗಳ ಕೊರತೆಯ ಬಗ್ಗೆ ಅವರು ಜಗತ್ತಿನ ಗಮನ ಸೆಳೆದಿದ್ದರು. ಪರಿಣಾಮವಾಗಿ ೧೯೭೦ರ ದಶಕದಲ್ಲಿ ಅಮೆರಿಕ ಮತ್ತು ಇಂಗ್ಲೆಂಡ್‌ಗಳಲ್ಲಿ ಗರ್ಭ ನಿರೋಧಕ್ಕೆ ಸಾಧನಗಳು ದೊರಕಲು ಆರಂಭಿಸಿದವು. ನಂತರ ಸೆಪ್ಟೆಂಬರ್ ೨೬ರಂದು ವಿಶ್ವ ಸಂತಾನ ನಿಯಂತ್ರಣ ದಿನ ಆಚರಿಸುವ ಮೂಲಕ ಜಾಗೃತಿ ಮೂಡಿಸಲಾಯಿತು.
ಜನಸಂಖ್ಯಾ ಶಿಫಾರಸು ಮಂಡಳಿಯ ೨೦೦೧ರ ವಿಶ್ವ ಜನಸಂಖ್ಯಾ ಅಂಕಿಅಂಶದ ಪ್ರಕಾರ ೬೫ ದೇಶಗಳ ಒಟ್ಟು ಜನನದ ಸಂಖ್ಯೆ ಮಹಿಳೆಯೊಬ್ಬಳಿಗೆ ೨.೧ ಮಕ್ಕಳಿಗಿಂತ ಕೆಳಗಿಳಿದಿದೆ ಎನ್ನುವುದು ಆತಂಕಕಾರಿ. ಸಿಂಗಾಪುರದಲ್ಲೂ ಈ ಜನನ ಸಂಖ್ಯೆ ಇನ್ನಿಲ್ಲದಂತೆ ಕಡಿಮೆಯಾಗುತ್ತಿದೆ. ೨೦೦೯ರಲ್ಲಿ ೧.೨೨ ಇದ್ದ ಪ್ರಮಾಣ ೨೦೧೦ಕ್ಕೆ ಬರುತ್ತಿದ್ದಂತೆ ಇನ್ನಷ್ಟು ಕಡಿಮೆ ಅಂದರೆ ೧.೧೬ಕ್ಕೆ ಇಳಿದಿದೆ.
ಆದರೆ ಸಿಐಎ ‘ವರ್ಲ್ಡ್ ಫ್ಯಾಕ್ಟ್ ಬುಕ್’ನಲ್ಲಿ ಈ ದೇಶವನ್ನು ೨೨೨ ದೇಶಗಳಲ್ಲಿ ಕೊನೆಯ ಸಾಲಿಗೆ ಸೇರಿಸಿದ್ದಲ್ಲದೆ, ಜನನ ಪ್ರಮಾಣ ೦.೭೮ರಷ್ಟು ಮಾತ್ರ ಇದೆ ಎಂದಿದ್ದು ಇನ್ನಷ್ಟು ಆತಂಕಕ್ಕೆ ಕಾರಣ. ಇನ್ನೊಂದೆಡೆ ಚೀನಾ ಒಂದೇ ಮಗುವಿನ ನೀತಿ ರೂಪಿಸುವ ಮೂಲಕ ಜನಸಂಖ್ಯೆ ನಿಯಂತ್ರಣಕ್ಕೆ ಇನ್ನಿಲ್ಲದ ಸಾಹಸ ಪಡುತ್ತಿದೆ. ಭಾರತದಲ್ಲಿ ‘ನಾವಿಬ್ಬರು, ನಮಗಿಬ್ಬರು’, ’ಆರತಿಗೊಂದು ಕೀರ್ತಿಗೊಂದು’ ಎಂಬಿತ್ಯಾದಿ ಘೋಷವಾಕ್ಯಗಳು ಕುಟುಂಬ ಯೋಜನೆಯ ಬೀಜ ಮಂತ್ರಗಳಾಗಿವೆ.
ಇಡೀ ಜಗತ್ತು ಜನಸಂಖ್ಯಾ ಹೆಚ್ಚಳದ ಸಮಸ್ಯೆಗೆ ತುತ್ತಾಗಿದೆ ಎಂದ ಮೇಲೆ ಕಡಿಮೆ ಜನಸಂಖ್ಯೆಯ ಬಗ್ಗೆ ಯಾಕೆ ಅಷ್ಟೊಂದು ತಲೆಕೆಡಿಸಿಕೊಳ್ಳಬೇಕು? ಹಾಗೆ ನೋಡಿದರೆ ಇಡೀ ಜಗತ್ತಿನ ಅರ್ಥವ್ಯವಸ್ಥೆಯ ಹಿನ್ನೆಲೆಯಲ್ಲಿ ವಿಶ್ಲೇಷಿಸಿದರೆ ಕಡಿಮೆ ಜನಸಂಖ್ಯೆ ಒಳ್ಳೆಯದೇ. ಆದರೆ ಕಡಿಮೆ ಜನಸಂಖ್ಯೆ ಹೊಂದಿರುವುದು ಆಯಾ ದೇಶಕ್ಕೆ ಸಮಸ್ಯೆ ಹೌದು. ಏಕೆಂದರೆ ಉದ್ಯೋಗಿಗಳ ಸಂಖ್ಯೆ ಕಡಿಮೆಯಾಗುತ್ತದೆ ಮತ್ತು ಆ ಮೂಲಕ ತೆರಿಗೆ ಸಂಗ್ರಹ ಕಡಿಮೆಯಾಗುತ್ತದೆ. ಇದೇ ಪರಿಸ್ಥಿತಿ ಮುಂದುವರಿದದ್ದೇ ಹೌದಾದಲ್ಲಿ ಇಟಲಿ ಮತ್ತು ಜರ್ಮನಿಯಲ್ಲಿ ಉದ್ಯೋಗಿಗಳ ಸಂಖ್ಯೆ ೧೯೯೯ರಿಂದ ೨೦೫೦ಕ್ಕೆ ಕ್ರಮವಾಗಿ ೨೩ ಮಿಲಿಯನ್‌ನಿಂದ ೧೪ ಮಿಲಿಯನ್‌ಗೆ ಮತ್ತು ೪೧ ಮಿಲಿಯನ್‌ನಿಂದ ೨೮ ಮಿಲಿಯನ್‌ಗೆ ಇಳಿಯಲಿದೆ. ಹಾಗಾಗಿ, ಸಂತಾನ ನಿಯಂತ್ರಣ ಅಥವಾ ಉತ್ತೇಜನ ಕಾರ್ಯಗಳೆರಡೂ ಸಮತೋಲಿತವಾಗಿ ಮತ್ತು ಆ ಮೂಲಕ ಜಾಗತಿಕ ಜನಸಂಖ್ಯೆ ಹೆಚ್ಚದ ರೀತಿಯಲ್ಲಿ ನಡೆಯಬೇಕಾದದ್ದು ಸದ್ಯದ ಅಗತ್ಯ.
--ಸಂಗ್ರಹ
ಸಂತಾನ ನಿಯಂತ್ರಣಕ್ಕಾಗಿ ವಿಧ ವಿಧದ ತಂತ್ರಜ್ಞಾನಗಳು ಪ್ರಾಚೀನ ಈಜಿಪ್ಟ್, ಗ್ರೀಸ್ ಮತ್ತು ರೋಮ್‌ಗಳಲ್ಲೇ ಇದ್ದವು. ಆದರೆ ಇದು ಅತ್ಯಂತ ವಿಸ್ತೃತ ಸ್ವರೂಪ ಪಡೆದದ್ದು ಪ್ರಖ್ಯಾತ ಆಂಗ್ಲ ಅರ್ಥಶಾಸ್ತ್ರಜ್ಞ ಥಾಮಸ್ ರಾಬರ್ಟ್ ಮಾಲ್ತೂಸ್ ಅವರಿಂದ. ಜನಸಂಖ್ಯೆ ಹೆಚ್ಚಳದಿಂದ ಉಂಟಾಗುವ ಸಮಸ್ಯೆಗಳಾದ ಆಹಾರ ಕೊರತೆ, ನಿರುದ್ಯೋಗ ಮತ್ತು ಸೂಕ್ತ ಆರೋಗ್ಯ ಸೌಲಭ್ಯಗಳ ಕೊರತೆಯ ಬಗ್ಗೆ ಅವರು ಜಗತ್ತಿನ ಗಮನ ಸೆಳೆದಿದ್ದರು. ಪರಿಣಾಮವಾಗಿ ೧೯೭೦ರ ದಶಕದಲ್ಲಿ ಅಮೆರಿಕ ಮತ್ತು ಇಂಗ್ಲೆಂಡ್‌ಗಳಲ್ಲಿ ಗರ್ಭ ನಿರೋಧಕ್ಕೆ ಸಾಧನಗಳು ದೊರಕಲು ಆರಂಭಿಸಿದವು. ನಂತರ ಸೆಪ್ಟೆಂಬರ್ ೨೬ರಂದು ವಿಶ್ವ ಸಂತಾನ ನಿಯಂತ್ರಣ ದಿನ ಆಚರಿಸುವ ಮೂಲಕ ಜಾಗೃತಿ ಮೂಡಿಸಲಾಯಿತು.
ಜನಸಂಖ್ಯಾ ಶಿಫಾರಸು ಮಂಡಳಿಯ ೨೦೦೧ರ ವಿಶ್ವ ಜನಸಂಖ್ಯಾ ಅಂಕಿಅಂಶದ ಪ್ರಕಾರ ೬೫ ದೇಶಗಳ ಒಟ್ಟು ಜನನದ ಸಂಖ್ಯೆ ಮಹಿಳೆಯೊಬ್ಬಳಿಗೆ ೨.೧ ಮಕ್ಕಳಿಗಿಂತ ಕೆಳಗಿಳಿದಿದೆ ಎನ್ನುವುದು ಆತಂಕಕಾರಿ. ಸಿಂಗಾಪುರದಲ್ಲೂ ಈ ಜನನ ಸಂಖ್ಯೆ ಇನ್ನಿಲ್ಲದಂತೆ ಕಡಿಮೆಯಾಗುತ್ತಿದೆ. ೨೦೦೯ರಲ್ಲಿ ೧.೨೨ ಇದ್ದ ಪ್ರಮಾಣ ೨೦೧೦ಕ್ಕೆ ಬರುತ್ತಿದ್ದಂತೆ ಇನ್ನಷ್ಟು ಕಡಿಮೆ ಅಂದರೆ ೧.೧೬ಕ್ಕೆ ಇಳಿದಿದೆ.
ಆದರೆ ಸಿಐಎ ‘ವರ್ಲ್ಡ್ ಫ್ಯಾಕ್ಟ್ ಬುಕ್’ನಲ್ಲಿ ಈ ದೇಶವನ್ನು ೨೨೨ ದೇಶಗಳಲ್ಲಿ ಕೊನೆಯ ಸಾಲಿಗೆ ಸೇರಿಸಿದ್ದಲ್ಲದೆ, ಜನನ ಪ್ರಮಾಣ ೦.೭೮ರಷ್ಟು ಮಾತ್ರ ಇದೆ ಎಂದಿದ್ದು ಇನ್ನಷ್ಟು ಆತಂಕಕ್ಕೆ ಕಾರಣ. ಇನ್ನೊಂದೆಡೆ ಚೀನಾ ಒಂದೇ ಮಗುವಿನ ನೀತಿ ರೂಪಿಸುವ ಮೂಲಕ ಜನಸಂಖ್ಯೆ ನಿಯಂತ್ರಣಕ್ಕೆ ಇನ್ನಿಲ್ಲದ ಸಾಹಸ ಪಡುತ್ತಿದೆ. ಭಾರತದಲ್ಲಿ ‘ನಾವಿಬ್ಬರು, ನಮಗಿಬ್ಬರು’, ’ಆರತಿಗೊಂದು ಕೀರ್ತಿಗೊಂದು’ ಎಂಬಿತ್ಯಾದಿ ಘೋಷವಾಕ್ಯಗಳು ಕುಟುಂಬ ಯೋಜನೆಯ ಬೀಜ ಮಂತ್ರಗಳಾಗಿವೆ.
ಇಡೀ ಜಗತ್ತು ಜನಸಂಖ್ಯಾ ಹೆಚ್ಚಳದ ಸಮಸ್ಯೆಗೆ ತುತ್ತಾಗಿದೆ ಎಂದ ಮೇಲೆ ಕಡಿಮೆ ಜನಸಂಖ್ಯೆಯ ಬಗ್ಗೆ ಯಾಕೆ ಅಷ್ಟೊಂದು ತಲೆಕೆಡಿಸಿಕೊಳ್ಳಬೇಕು? ಹಾಗೆ ನೋಡಿದರೆ ಇಡೀ ಜಗತ್ತಿನ ಅರ್ಥವ್ಯವಸ್ಥೆಯ ಹಿನ್ನೆಲೆಯಲ್ಲಿ ವಿಶ್ಲೇಷಿಸಿದರೆ ಕಡಿಮೆ ಜನಸಂಖ್ಯೆ ಒಳ್ಳೆಯದೇ. ಆದರೆ ಕಡಿಮೆ ಜನಸಂಖ್ಯೆ ಹೊಂದಿರುವುದು ಆಯಾ ದೇಶಕ್ಕೆ ಸಮಸ್ಯೆ ಹೌದು. ಏಕೆಂದರೆ ಉದ್ಯೋಗಿಗಳ ಸಂಖ್ಯೆ ಕಡಿಮೆಯಾಗುತ್ತದೆ ಮತ್ತು ಆ ಮೂಲಕ ತೆರಿಗೆ ಸಂಗ್ರಹ ಕಡಿಮೆಯಾಗುತ್ತದೆ. ಇದೇ ಪರಿಸ್ಥಿತಿ ಮುಂದುವರಿದದ್ದೇ ಹೌದಾದಲ್ಲಿ ಇಟಲಿ ಮತ್ತು ಜರ್ಮನಿಯಲ್ಲಿ ಉದ್ಯೋಗಿಗಳ ಸಂಖ್ಯೆ ೧೯೯೯ರಿಂದ ೨೦೫೦ಕ್ಕೆ ಕ್ರಮವಾಗಿ ೨೩ ಮಿಲಿಯನ್‌ನಿಂದ ೧೪ ಮಿಲಿಯನ್‌ಗೆ ಮತ್ತು ೪೧ ಮಿಲಿಯನ್‌ನಿಂದ ೨೮ ಮಿಲಿಯನ್‌ಗೆ ಇಳಿಯಲಿದೆ. ಹಾಗಾಗಿ, ಸಂತಾನ ನಿಯಂತ್ರಣ ಅಥವಾ ಉತ್ತೇಜನ ಕಾರ್ಯಗಳೆರಡೂ ಸಮತೋಲಿತವಾಗಿ ಮತ್ತು ಆ ಮೂಲಕ ಜಾಗತಿಕ ಜನಸಂಖ್ಯೆ ಹೆಚ್ಚದ ರೀತಿಯಲ್ಲಿ ನಡೆಯಬೇಕಾದದ್ದು ಸದ್ಯದ ಅಗತ್ಯ.
--ಸಂಗ್ರಹ
